Aldonajxo al mia unua Universala Kongreso

Publié le par DesVeys

Post la skribajxo de mia artikolo kiun mi titolis "Mia unua Universala Kongreso" alia memorajxo kaj alia sento alvenis al mia menso. Tion mi volas klarigi. Mi aludas pri "Fluaj parolantoj". Ili nombras tri, tri veraj eminentuloj kiuj ravis min per iliaj paroladoj tiel brilantaj kiel inteligentaj aux emociitaj.

La unua kiu aparte impresis min estis Mark Fettes la nuna prezidento de UEA. Li uzis la lingvon tiel flue, tiel libere kaj klare, mi ecx envias diri tiel nature , ke tio estis vera plezuro auxskulti lin disvolvigi siajn ideojn, opiniojn aux aludojn...

La dua estis Brian Moore dum lia parolado en la teatro de Bulonjo cxe maro: tie kie Zamenhof mem faris la malfermon de la unua UK en 1905. Cxar Brian Moore rediris la vortojn mem de Zamenhof per vocxo tiel forta kaj tiel konvinkita ke tio aparte kortusxis min.

La tria estis Humphrey Tonkin, fama esperantisto kiu ravis min dum prezentado de auxcioj de UEA: kia vigla kaj humura auxkciisto kiu cxiam trovas la jxustan vorton por priskribi la objektojn kiuj estas vendotaj...

Kaj parolante pri memorajxoj, jen mia lasta:

Dum mian ekskurson al Bulonjo cxe Maro, kelkaj esperantistoj provis kunkanti en la auxtobuso. Iu meksikanino estis aparte entuziasma kaj gxoja kaj proponis al cxiuj kanti kun sxi. Dum sekvantan nokton, memoro pri mia unua lerneja ekskurso (mi estis tiam okjaragxa) revenis en mia menso: la sxoforo de nia buso eklernis al ni kanzonon (en la franca kompreneble). Tiun kanzonon mi tradukis en Esperanto kaj kiam mi revidis la meksaninon la morgauxon, mi gxin kantis al sxi. Jen la teksto:

"Frauxlino, naux dekjaragxa, mangxante kremon, mangxante kremon

Frauxlino, naux dekjaragxa, mangxante kremon, frakasis denton!

Aaah diris la patrin', mangxante kremon, mangxante kremon (bis)

Aaah diris la patrin' mangxante kremon, tion ne miris!"

Tio estas la unua strofo de la kanzono kaj oni dauxrigas gxin anstatauxigante "denton" per "du dent'" en la dua strofo kaj per "tri dent'" en la tria strofo, per "kvar dent'" en la kvara strofo, k.t.p....Do tio povas uzi iom da tempo dum la vojagxo!...

Cxar tiu meksikanino estis bonhumurema kaj ridema, sxi fotis nin kunkantante!

Esperanto estas mirinda lingvo,cxu ne?

Commenter cet article